नेपालगन्जमा आठौ राष्ट्रिय खेलकूद आयोजना हुने

प्रतियोगिताको मस्कटमा हात्तीको छावा

प्रकाशित मिति: १४ भाद्र २०७४, बुधबार १२:२७  

नेपालगन्ज/युवा तथा खेलकूद मन्त्री राजेन्द्रकुमार केसीको प्रमुख आतिथ्यमा आठौ राष्ट्रिय खेलकूद प्रतियोगिता सचिवालय अन्तर्गत सर्वपक्षिय बैठक आज नेपालगन्जमा बस्यो । बैठकले २०७५ पुसमा नेपालगन्जमा आयोजना हुने आठौ राष्ट्रिय खेलकूद प्रतियोगिताका लागि मस्कटको रुपमा हात्तीको बच्चा (छावा) रहने निर्णय गरेको छ । राष्ट्रिय खेलकूद परिषद्का कोषाध्यक्ष सुरेन्द्र हमालको अध्यक्षतामा बसेको बैठकमा युवा तथा खेलकुद मन्त्री राजेन्द्र केसी, राखेपका सदस्य—सचिव केशवकुमार विष्ट, नेपाल ओलम्पिक कमिटिका कोषाध्यक्ष रतनकुमार टंडन, बाँके कांग्रेसकी सभापति किरण कोईराला, नेपालगन्जकी उपमेयर उमा थापामगर, बाँकेका प्रमुख जिल्ला अधिकारी रमेशकुमार केसी, जनप्रतिनिधि, राजनीतिक दलका पदाधिकारी, सुरक्षा निकायका पदाधिकारी र खेल पदाधिकारीहरुको उपस्थिति रहेको थियो । मन्त्री केसीले बैठक पश्चात आठौं राष्ट्रिय खेलकुद प्रतियोगितामा हात्तीको बच्चा (छावा ) लाई मस्कटको रुपमा चयन गरिएको घोषणा गर्नुभयो । बैठकलाई सम्बोधन गर्दै मन्त्री केसीले मन्त्रालयले प्रतियोगिताका लागि आवश्यक बजेट समयमा उपलव्ध गराउने विश्वास दिलाउदै भौतिक पूर्वाधार निर्माणका काम समयमा सक्नु ठूलो चुनौतिका रुपमा हुने भएकाले त्यसतर्पm सबै गम्भीर हुनुपर्नेमा जोड दिनु भयो । उहाँले रकमका कारण आठौं राष्ट्रिय खेलकुद प्रतियोगिताको पूर्वाधारका काम नरोकिने प्रतिबद्धता जनाउनुभयो । प्रतियोगिता संचालन हुने स्थानका समुदाय, स्थानिय निकाय, प्रशासनिक निकाय, सामाजिक तथा पेशागत संघ, संगठनले अपनत्व ग्रहण गर्न सक्नु पर्ने उल्लेख गर्दै मन्त्री केसीले खेल पदाधिकारीले आ—आप्mनो जिम्मेवारी इमान्दारिताका साथ पूरा गर्नेमा आफु ढुक्क भएको विश्वास व्यक्त गर्नु भयो ।
बैठकमा राखेप सदस्य—सचिव विष्टले प्रतियोगिता तयारीका लागि हालसम्म भएका कार्य सम्पदनका विषयमा जानकारी गराउदै प्रतियोगिता संचालनका लागि रु ३५ करोड र भौतिक पूर्वाधार पुर्ननिर्माणका लागि रु ७० करोड गरि कुल १ करोड ५ लाख रुपैया खर्च हुने बताउनु भयो । उहाँका अनुसार, आठौ राष्ट्रिय खेलकूद प्रतियोगिता नेपालगन्ज, बर्दिया, सुर्खेत र दाङ्ग जिल्लामा संचालन गर्ने गरी आवश्यक तयारी थालिएको छ ।
यसैबीच, मन्त्री केसीले बाँके जिल्लाको कोहलपुर क्रिकेट खेल मैदान, नेपालगन्ज रंगशालामा निर्माण भइरहेको सुटिङ्ग रेन्ज, पौडी पोखरी र भारोत्तोलन एकेडमी र बर्दिया गुलरियास्थित कवर्ड हल र खेल मैदानको पनि अवलोकन गर्नु भयो । त्यस अवसरमा मन्त्री केसीलाई क्षेत्रीय खेलकूद विकास समितिका अध्यक्ष भीम ओली र उपाध्यक्ष नरेन्द्र थापाले ती निर्माणाधिन संरचनाको कार्य प्रगतिका बारेमा जानकारी गराउनु भएको थियो ।

तपाईको प्रतिक्रिया

सोम गुरुङ,बर्दिया ५ माघ / बर्दियाको बढैयातालमा राष्ट्रिय थारु साहित्यिक मेला २०७४ शुरु भएको छ । थारु लेख्क संघ,.....

बिरेन्द्र थापा क्षेत्री ,बर्दिया ४ माघ/बर्दिया जिल्लाको बढैयाताल गाउँपालिका वडा नं.१,शान्तिपुुरको प्रगति टोल.....

राष्ट्रिय परीक्षा बोर्डले सात महिनाअघि लिएको कक्षा ११ को नतिजा सार्वजनिक गरेको छ । बोर्डले पहिलो पटक.....

भोला थापा क्षेत्री, दोहा (कतार) । कञ्चनपुरमा भारतीय सिमा सुरक्षा बल(एसएसबि)बाट गोविन्द गौतमको हत्या भएपछि देश.....

समिम मियाँ  , साइप्रस-रोजगारीको सिलसिलामा साइप्रस आएकी एक नेपाली युवतीको मृत्यु भएको छ । मृृत्यु हुनेमा रामेछाप.....

एनक्यूखबर,दोहा । गैर आवासीय नेपाली संघ, राष्ट्रिय सम्वन्य परिषद कतारको आगामी कार्यकालका २०१७–२०१९ का लागी सरिता.....